ನನ್ನ ಬಗ್ಗೆ

ನನ್ನ ಫೋಟೋ

ನಿವೃತ್ತ ತಹಸೀಲ್ದಾರ್, ಕೆಳದಿ ಕವಿಮನೆತನದ ಪತ್ರಿಕೆ 'ಕವಿಕಿರಣ'ದ ಸಂಪಾದಕ.
ನನ್ನ ಕೃತಿಗಳು: 1.ಕವಿಸುಬ್ರಹ್ಮಣ್ಯಯ್ಯ - ಒಂದು ಜೀವಗೀತೆ (ವ್ಯಕ್ತಿ ಚಿತ್ರಣ), 2. ಮೂಢ ಉವಾಚ - ಮುಕ್ತಕಗಳು, 3. ಆದರ್ಶದ ಬೆನ್ನು ಹತ್ತಿ . .
ಆತ್ಮೀಯರೇ ಪ್ರಣಾಮಗಳು, ಕವಿಮನದಾಳದ ಮಾತುಗಳಿಗಾಗಿ ಕವಿಮನಕ್ಕೆ ತಮಗೆ ಹೃತ್ಪೂರ್ವಕ ಸ್ವಾಗತ

ಭಾನುವಾರ, ಸೆಪ್ಟೆಂಬರ್ 18, 2011

ಸುಳ್ಳು ಹೇಳುವುದು ಸುಲಭವಲ್ಲ


     ಸುಳ್ಳು ಹೇಳುವುದು ಸುಲಭವಲ್ಲ. ಸುಳ್ಳು ಹೇಳಿದರೂ ಅರಗಿಸಿಕೊಳ್ಳುವುದು ಸುಲಭವಲ್ಲ. ಸುಳ್ಳು ಹೇಳುವವರಿಗೆ ಅರ್ಹತೆಯಿರಬೇಕು. ಏನು ಅರ್ಹತೆ? ನನಗೆ ತೋಚಿದ ಕೆಲವು ಅಂಶಗಳು:
೧. ಅಗಾಧ ಜ್ಞಾಪಕಶಕ್ತಿಯಿರಬೇಕು.
೨. ಸುಳ್ಳು ಸಮರ್ಥಿಸಿಕೊಳ್ಳಲು ಸುಳ್ಳುಗಳ ಸರಮಾಲೆ ಹೆಣೆಯುವ ಚಾಕಚಕ್ಯತೆ ಇರಬೇಕು.
೩. ಬುದ್ಧಿವಂತಿಕೆ ಇರಬೇಕು. 
೪. ಆಪ್ತರೇ ಹೇಳಿಕೊಟ್ಟಂತೆ ಸುಳ್ಳು ಹೇಳಿದರೂ ಅದನ್ನು ನಿಭಾಯಿಸುವ ಚಾಣಾಕ್ಷತೆ ಇರಬೇಕು. ಅತ್ಯಂತ ಆಪ್ತರೇ ಆದರೂ ಅವರು ಹೇಳಿಕೊಟ್ಟಂತೆ ಹೇಳಬೇಕೋ ಬೇಡವೋ ಎಂಬುದನ್ನು ನಿರ್ಧರಿಸುವ ಶಕ್ತಿ ಇರಬೇಕು.
೫. ಹೇಳಿದ್ದು ಸುಳ್ಳು ಎಂದು ಗೊತ್ತಾದಾಗ ಆಗುವ ಪರಿಣಾಮ ಎದುರಿಸಲು ಸಿದ್ಧರಿರಬೇಕು.
೬. ಗಾಢ ಸಂಬಂಧಗಳನ್ನು ಕಳೆದುಕೊಳ್ಳುವ ಅಪಾಯದ ಅರಿವಿರಬೇಕು. (ಅಥವ ಸಂಬಂಧಗಳಿಗೆ ಬೆಲೆ ಕೊಡದ ಮನಸ್ಥಿತಿ ಹೊಂದಬೇಕು.)
೭. ನಂಬಿಕಾರ್ಹರಲ್ಲ ಎಂಬ ಹಣೆಪಟ್ಟಿ ಹೊರಲು ಸಿದ್ಧರಿರಬೇಕು.
೮. ತಾನು ಮಾಡಿದ್ದು ತಪ್ಪಲ್ಲವೆಂದು ವಾದಿಸಿ ಗೆಲ್ಲುವ ಭಂಡತನವಿರಬೇಕು. ವಾದದಲ್ಲಿ ಗೆದ್ದರೂ ವಿಶ್ವಾಸ ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ. ಪುನಃ ವಿಶ್ವಾಸ ಗಳಿಸುವ ನೈಪುಣ್ಯತೆ ಹೊಂದಿರಬೇಕು.
೯. ಕೆಲವೊಮ್ಮೆ ಪೇಚಿನ ಪ್ರಸಂಗಗಳಲ್ಲಿ ಸುಳ್ಳು ಹೇಳಬೇಕಾಗಿ ಬಂದರೂ ಆ ಸುಳ್ಳನ್ನು ನಿಜ ಮಾಡುವಂತೆ ನಡೆದುಕೊಳ್ಳಬೇಕು.
೧೦. . . . . . 
೧೧. . . . . .
     ನಬ್ರೂಯಾತ್ ಸತ್ಯಮಪ್ರಿಯಮ್ -  ಅಪ್ರಿಯವಾದ ಸತ್ಯ ಹೇಳಬಾರದು ಎಂಬ ಕಾರಣಕ್ಕಾಗಿ ಹಾಗೂ ಒಳ್ಳೆಯ ಉದ್ದೇಶಗಳಿಗಾಗಿ ಹೇಳುವ ಸುಳ್ಳುಗಳಿಗೆ ಇವು ಅನ್ವಯವಾಗುವುದಿಲ್ಲ. ಆದರೆ ಸುಳ್ಳು ಹೇಳಿದ ಕಾರಣದಿಂದ ಆಪ್ತರ ಮನಸ್ಸಿಗೆ ನೋವಾಗಿರುವುದು ಅರಿವಿಗೆ ಬಂದರೆ ಅವರ ಕ್ಷಮೆ ಕೇಳಿ ದೊಡ್ಡವರೆನಿಸಿಕೊಳ್ಳುವುದು ಬುದ್ಧಿವಂತರ ಲಕ್ಷಣ. ಸುಳ್ಳು ಹೇಳುವ ಪ್ರಸಂಗಗಳೇ ಬಾರದಂತೆ ನೋಡಿಕೊಳ್ಳುವುದು ಇನ್ನೂ ಬುದ್ಧಿವಂತರ ಲಕ್ಷಣ. 
*********************

2 ಕಾಮೆಂಟ್‌ಗಳು:

  1. ಸುಳ್ಳು ಹೇಳುವವರಿಗೆ ಇರಬೇಕಾದ ಅರ್ಹತೆಗಳನ್ನು ಚೆನ್ನಾಗಿ ಪಟ್ಟಿ ಮಾಡಿದ್ದೀರಿ ಸರ್! ಅಭಿನ೦ದನೆಗಳು!

    ಪ್ರತ್ಯುತ್ತರಅಳಿಸಿ